陳苑淇昨日為「羅浮宮非凡魅力婚紗show」擔任模特兒，與Rosemary同場演繹最新婚紗晚裝系列，早前本報獨家拍到陳苑淇與消防幫辦當街錫錫，幫辦更送她返香閨，昨日陳苑淇一提起這位消防幫辦，便忍不住甜笑，雖然聲稱被公司罵，但她心情仍極好，直認對方是好好的朋友，但否認兩人拍拖。
陳苑淇說：「其實係有朋友生日，加埋美國返朋友一齊聚會，飲到醉醉地，佢送我返屋企，呢係男士風度，我唔係拍拖，（佢追你？）唔知，係都畀你嚇走，我要求一個正正常常男仔就得，即係唔滾，唔叫雞，唔返大陸包二奶，（有傳你同鄭融爭仔？）我諗我同佢唔會鍾意埋同一個男仔，亦都無問過佢情史，你咁想知，不如我幫你問佢，因為我都好想知。」
陳苑淇笑言對同性異性一樣熱情，更轉移視線話自己可能鍾意女仔。